Thursday October 15, 2009
د خوست پوهنتون كې د نجونو له پاره د ځانګړې ليليې جوړولو چارې پيل شوې
وخت خبري آژانس
خوست ولايت
د تلي ٢٣ مه
د خوست په شېخ زايد پوهنتون كې د نجونو له پاره د ځانګړې ليليې جوړولو چارې پيل شوې.
نوموړى پوهنتون دا مهال، د ګوتو په شمېر ښځينه محصلينې لري، خو مسؤولين يې وايي، چې د نوې ليليې په جوړيدو سره به د نجونو محصلينو شمېره ډېره شي.
په همدې اړه جوړو مراسمو كې د شېخ زايد پوهنتون پر مسؤولينو او خوست ځايي چارواكو سربېره له مركز كابله، د مخدره توكو پروړاندې د مبارزې وزارت او كورنيو چارو وزارت دوو معينانو محمدسرور منګل او جنرال داؤد داؤد هم ګډون كړى ؤ.
دغه ليليه، چې نن يې د نوموړو چارواكو له خوا د خوست شېخ زايد پوهنتون ته څېرمه د بنسټ ډبره كېښودل شوه، د مسؤولينو په وينا به د يو كال په اوږدو كې بشپړه شي، د اوسيدو پر خونو سربېره به طعام خوري او جومات هم ولري.
د مخدره توكو پر وړاندې د مبارزې وزارت مرستيال سرور منګل وويل، چې نوموړې ليليې ته اووه لكه شپږ اويا زره امريكايي ډالر ځانګړي شوي او دا هغه پيسې دي، چې خوست ته د كوكنارو د نه كر په وياړ وركول كيږي.
نوموړي وويل، چې دا دريم كال دى، چې خوست د مخدره توكو د نه شتون له امله لومړۍ درجه ولايت بلل كيږي او په وينا يې له امله هر كال دغه ولايت ته يو ميليون امريكايي ډالر وركول كيږي.
د لومړي كال په پيسو، د خوست په مديخېلو سيمه كې يو ښوونځى ورغول شو، خو د صبريو ولسوالۍ هغه كلينيك تر اوسه هم نه دى جوړ، چې همدا پيسې ورته ځانګړې شوې وې، چارواكي يې لامل په هغه سيمه كې روانه ناامني ګڼي.
د پوهنتوني نجونو له پاره اوسنۍ جوړيدونكي ليليه د تېر كال په پيسو جوړيږي او د روان كال له پاره به څو ورځې وروسته يو ميليون نورې پيسې هم خوست ته وركړل شي.
د خوست سرپرست والي څارنوال طاهرخان صبري وويل، چې په نورو ولايتونو كې دغه پيسې پر بزګرانو ويشل كيږي، خو د ده په وينا دا د خوست له پاره يو بل وياړ دى، چې پر ټولګټو پروژو يې لګوي او ګټه يې تل ترتله دغې سيمې ته پاتې كيږي.
شېخ زايد پوهنتون دا مهال په نهو بېلابېلو پوهنځيو كې تر دوو زرو زيات محصلين لري، خو د نجونو شمېر يې د ګوتو له شمېر نه دى پورته.
د پوهنتون ريس دوكتور ګل حسن وليزى وايي، چې د نجونو له پاره ځانګړې نوې ليليې له جوړيدو سره به نه يوازې د خوست، بلكې د هېواد نورو سيمو نجونې هم شېخ زايد پوهنتون ته مخه كړي.
خبريال: الهام خوستۍ
اديت: مقدس
اندازه متن : [
بزرگتر ] [
کوچکتر ]
تعداد بازديد : 74
نسخه مناسب چاپارسال به یاهو مسنجرارسال به ديگران »
دیگر عناوین : عدم اعلان نتایج انتخابات نگرانی های مردم را برانگیخته است مسابقات دوش در ولایت بغلان آغازشد گڼو پېښو كې پاكستاني ځواكونو اوطالبانو ته مرگ ژوبله اوښتې يو بل امريكايى سرتيرى ووژل شو كندهارښاركې دوسله مخالفينو پټنځاى كشف شو په زرگونو كسانو بولدك كې بياټاكنوپرضد مظاهرې كړي په لغمان ولایت کې ۹ کیلومټره سره گټي اخیستنې ته چمتو شو دخوست د یعقوبیو ولسوالی پر ودانۍ برید وشو د پکتیا په زرمت ولسوالی کې د پولیسو پر موټر چاودنه وشوه په جنوبي وزیرستان کې پولیسو او وسلوالو ته مرگ ژوبله واوښته