Thursday July 16, 2009
طالبانو دنيول شوي امريكاي سرتيري دوژولو وګواښ وګړ
وخت خبري آژانس
پكتيكا ولايت
چنګاښ ۲۵مه
وسله والو طالبانو ګواښ كړى، چې كه د غزني او پكتيكا په يو شمېر سيمو كې د بهرنيو ځواكونو پوځي عمليات او د ملكي خلكو ځورول ونه دريږي، دوى به هغه امريكايي سرتېرى ووژني، چې نېږدې دوه اوونۍ وړاندې، د پكتيكا له يوسف خېلو ولسوالۍ څخه تښتول شوى دى.
د ملا سنګين په نوم يو تن، چې ځان په پكتيكا كې د وسله والو طالبانو مشر بولي، ويلي، چې بهرنيو ځواكونو د همدې پكتيكا او غزني ولايتونو په يوسف خېلو او ګېرو ولسواليو كې خپلسري پلټنې پيل كړي او له امله يې ملكي خلك ځوريږي.
دى وايي، چې كه په بيړه دغه پلټنې او د خلكو كړول ونه درول شي، نو تښتول شوى امريكايي سرتېرى به ووژني.
د يادو دواړو ولسواليو اوسيدونكو شكايت كړى، چې له تېرو دوو اونيو راهيسې هلته د بهرنيو ځواكونو په چاڼيزو عملياتو كې يو شمېر ملكي وګړي وژل شوي او د نورو پوځي پلټنو وېره هم موجوده ده.
د راپورونو له مخې تېره ورځ د غزني ولايت په هغو سيمو كې چې پكتيكا ته نېږدې پرتې دي، بهرنيو ځواكونو يو شمېر داسې ليكلي پاڼې غورځولي، چې د تښتول شوي سرتيري د نه خوشي كولو په وخت پكې د وژنو ګواښونه شوي.
وسله وال طالبان وايي، چې د پېنځه سوه يو پراشوټي هوايي ځواك تښتول شوى يوويشت كلن سرتېرى پوو بوروګل نوميږي او د دوى په وينا نوموړى په خپله پوځي دنده كې لومړى كوېټ هېواد ته تللى او دلته يې په باګرام او پكتيكا كې دنده ترسره كړې.
ياد امريكايي سرتېرى د روانې ميلادي مياشتې په لومړۍ نيټه د پكتيكا ولايت له يوسف خېلو ولسوالۍ څخه تښتول شوى او تر اوسه لادركه دى.
وسله والو طالبانو د هغه له تښتونې لږ وروسته ويلي وو، چې د هغه د برخليك په اړه به د هغوى مشرتابه پرېكړه كوي.
هماغه وخت د پكتيكا ځايي چارواكو ويلي وو، چې طالبانو د نوموړي په بدل كې د خپلو زندانيانو او پيسو غوښتنه كړې، خو وسله والو طالبانو ويل، چې تر اوسه يې په دې برخه كې كومه غوښتنه نه ده كړې.
خبروادیت: طیب
اندازه متن : [
بزرگتر ] [
کوچکتر ]
تعداد بازديد : 98
نسخه مناسب چاپارسال به یاهو مسنجرارسال به ديگران »
دیگر عناوین : ایتالیا ۵۰۰ سرباز بيشتر به غرب كشوراعزام ميدارند در گيرى ميان نيرو هاى امنيتى و طالبان هشت کشته و زخمى بجا گذاشت براى بيماران روانى بدون سرپرست مركزتداوى ايجاد ميگردد چهار پوليس اسير از نزد طالبان فرار نمود د ناټو اکمالاتي موټرو ته اور ورته کړل شو امریکا اطفائیه بغلان را مساعدت نمود دهالنډ هیواد افغانستان ته په ۱۰ منډو ماته ورکړه مقرره سلوک براى سارنوالان تصويب و توشيح شد ايتلاف:خوست اوپكتيكا ترمنځ له ۳۰ زيات طالبان وژل شوي داکترعبدالله:اسنادومدارک نشاندهنده تخطى وتخلف دردست دارم