Monday December 29, 2008
دخوست ځانمرګي بريد تلفات له ۶۰ واووښته وخت خبري آژانس
خوست
د مرغومي ۸ مه
دخوست ولايت اسمعيل خيلو او مندوزيو ولسوالۍ پر ودانۍ باندې ځانمرګي بريد تر ۶۰ زيات د ښوونځي زده كوونكي او پوليس مړه او ټپيان كړل .
له سيمې څخه ځايي دولتي سرچينې وايي چې بريد د موټر بم په مرسته چې چاوديدونكي توكي پكې ځاى پرځاى شوي ؤ ترسره شوى دى.
د اسمعيل خيلو او مندوزيو ولسوال دولت خان قيومي د پيښې پخلى كوي اوزياتوي:((ځان وژونكي چې چاوديدونكي توكي په يوه سرف ډوله موټر كې ځاى پرځاى كړي ؤ ، هڅه يې كوله چې ځان د ولسوالۍ ودانۍ ته ننباسي خو د ودانۍ مخې ته چاودنه رامنځته شوه.))
ځايي چارواكو په پيل كې د مرګ ژوبلې شمېره كمه ښوده، خو اوس وايي، چې درې حكومتي سرتيري او پېنځه زده كوونكي وژل شوي او له پنځوسو زيات ټپيان شوي دي.
د خوست ملكي روغتون ډاكټران وخت خبري آژانس ته ويلي چې تر دې مهاله د بريد له كبله دغه روغتون ته شاوخوا ۵۰ تنه ټپيان راوړل شوي دي.
د خوست د امنيه قوماندانۍ يوه چارواكي ويلي، چې د مرګ ژوبلې په ياده شمېره كې نږدې پېنځه ويشت تنه يې حكومتي مامورين او سرتيري دي او پاتې ټول يې عام وګړي دي، چې ډېرى يې د ولسوالۍ په خوا كې د سربڼ ليسې هغه ماشوم زده كوونكي جوړوي، چې عمرونه يې له اوو تر لسو كلونو پورې رسي.
له سيمې څخه عيني شاهدان وايي چې بريد د ولسوالۍ مخې او د سربڼ ليسې څنګ ته چې له ولسوالۍ سره خوا په خوا پرته ده شوى او د پيښې ډيرى قربانيان د ښوونځي ماشومان او زده كوونكي دي.
عيني شاهدان همدا راز وايي چې د پيښې په ځاى كې د ښوونځي د ماشومانو د بدن غړي، بكسونه، څپلۍ د جامو او غوښې ټوټې پرتې دي.
بلخوا دسيمې ځايي اوسيدونكي وايي چې د ښوونځي يو شمير زده كوونكي لا دركه دي او ښايي چې د مړو او ټپيانو شميره تر دې هم زياته وي.
سرچينه دا هم وايي چې د چاودنې ځاى ته نږدې د يوې مخابراتي شبكې آنتن او ودانۍ ته هم زيان رسيدلى دى.
دوى وايي چې سيمه د دولتي سرتيرو او ناټو پوځيانو لخوا كلابنده شوى او د ناټو پوځي چورلكې په هوا كې په تګ راتګ بوختې دي.
وسله والو طالبانو د بريد مسؤوليت پرغاړه اخيستى او ادعاكوي چې شل افغان او بهرني سرتيري پكې مړه او ټپيان شوي دي.
د يادونې وړ ده چې لدې وړاندې د خوست ولايت پر ځاځي ميدان ، صبريو ، ګربزو ، تڼيو او دوه منده ولسواليو باندې د موټر بم به مرسته ځان مرګي بريدونه ترسره شوي دي خو اوسنۍ بريد د ياد شويو ولسواليو د بريدونو په پرتله لمړنى بريد دى چې د ښوونځي زده كوونكو او ملكي وګړيو ته مرګ ژوبله اړوي.
خبريال : الهام خوستى
اديتر : صديقي
اندازه متن : [
بزرگتر ] [
کوچکتر ]
تعداد بازديد : 158
نسخه مناسب چاپارسال به یاهو مسنجرارسال به ديگران »
دیگر عناوین : عالمان دین: درسمنگان تبلیغ مسیحیت ویهودیت میشود ډیره اسماعیل خان کې چاودنو،۱۸تنه مړه او ټپیان کړل پکتیا کې دپولیسو پرتعلمي مرکز برید، ۶ تنه ژوبل کړه ددیر اوبونېر په جگړو کې ۲۵عام خلک وژل شوي دي درغزنی۷پولیس کشته ویک تن آن مجروح گردید ولسوال دهنه غوری باسه تن همراهانش کشته شد در نیمروز، روزانه ۲الي ۳معتاد هلاک میگردد درفراه، بیش از ۱۰۰تن غيرنظامیان کشته شد سناتورفراه: ۱۵۰تن كشته و۱۱تن مجروح گردید په پکتیکا کې ځانمرگی برید کوونکی ژوندی ونیول شو