Monday November 17, 2008
له ٤٠٠ ديني عالمانو او حافظانو څخه ازموينه واخيستل شوه وخت خبري اژانس
هلمند
د لړم ٢٧ مه
هلمند ته له کابل څخه د پوهنې وزارت ورغلي پلاوي لخوا نن له شاوخوا ٤٠٠ تنو حافظانو او په ديني علومو کې دخصوصي زده كړوله خاوندانوڅخه دسويې ازموينه واخيستل شوه.
دځايي چارواكوپه ويناچې له ازموينې وروسته به بريالي كسان په ديني ښوونيزو مركزونو كې داستادانو په توگه اوپه محاكموكې دقاضيانوپه توگه په دندو وګمارل شي.
دغه آزموينه نن دهلمندپه عالي دارالمعلمين كې د پوهنې وزارت څخه د راغلي پلاوي په وړاندې واخيستل شوه.
دهلمند والي مرستيال عبدالستارميرزكيوال وخت خبري اژانس خبريال سره په خبرو کې وويل:((لدغو کسانو څخه به بريالي كسان دلوړو امتيازاتو په لرلو سره دښوونكو په توګه په ښوونځيو او ديني مدارسو کې په دندو وګمارل شي.))
همدارازله كابل څخه دراغلي پلاوي په استازيتوب مولوي نجيب الله وويل: ((دپوهنې وزارت په غوښتنه اودولسمشرکرزي په تاييدسره دهلمند ولايت كې دديني خصوصي زده كړوله خاوندانو څخه دغه ازموينه اخلو چې په دې كې به دخصوصي زده كړوخاوندانوته د دولسم ټولگي سندونه وركول كيږي.))
د مولوي نجيب الله په خبره هغه شمير کسان چې سندونه په لاس کې لري هغوى ته به د څوارلسم ټولگي سند وركول كيږي.
دملادين محمدپه نامه يوتن چې په دې ازموينه كې يې برخه درلوده او لدغې آزموينې خوښ ښكاريده وويل: (( اوس خپل ځان ديو رسمي كس په نامه حسابولى شم.))
هغه زياته كړه: ((ديني زده كړې مې په خصوصي ډول ترسره كړې وې خوهيڅ داسې سندچې دامهال په دې برخه كې راسره مرسته وكړي نه مې درلود او داچې اوس موږته سندونه راكول كيږي دادخوښى خبره ده.))
ده له ټولو هغو كسانوهم چې له دې ازموينې څخه ناخبره ؤ غوښتنه وكړه چې ازموينه وركړي اوپه رسمي ډول دخپلوهيوادوالوخدمت ته ملا وتړي.
ديادونې وړده چې دالومړى ځل دى چې په هلمندكې دخصوصي زده كړو له لرونكوكسانوڅخه دسويې ازموينه اخيستل كيږي.
خبريال : احساس
اډيټر : صديقي
اندازه متن : [
بزرگتر ] [
کوچکتر ]
تعداد بازديد : 74
نسخه مناسب چاپارسال به یاهو مسنجرارسال به ديگران »
دیگر عناوین : له ٤٠٠ ديني عالمانو او حافظانو څخه ازموينه واخيستل شوه برای اولین بار در کشور قانون استرداد متهمین و محکومین تصویب گردید بیش از 50 ولسوالی کشور مشکلات امنیتی دارد سوات كې ځانمرګى بريد ګڼ شمير پوليس مړه او ټپيان کړل از یک هزارمین سالروز تولد حکیم سنایی تجلیل بعمل امد يوځانمرګي له ټپي کيدو وروسته ٥ تنه مړه او ټپيان کړل چهارمين فابريکه توليد شير نباتى افتتاح گرديد عاملين تیزاب پاشی بالای دختران باید اعدام گردد جامعه جهاني باید در موافقه با دولت افغانستان عمل نماید رییس جمهور ! کوکنار نمی کاریم محبوسین ما را رها کنید