د پاكستان په سرحد ايالت كې نن ماسپـښين دپاكستان پوليسو له خوا ١٠٠ تنه افغانان له قانون څخه د سرغړونې په تورنيول شوي، دغه ځايى پوليسو په پاکستان کې افغانو ملا امامانو ته خبردارى ورکړشوى چې ژرترژره پاکستان کې دامامت دندې پريږدي.

دغه افغانان نن له غرمې وروسته دپاكستان سرحد ايالت په نوښار كې په دې تورنيول شوي چې هيڅ ډول قانوني اسناد نه لري.

په نيول شويو افغانانو كې دافغانستان د شمالي ولايتونو اصلي اسېدونكيو سربېره د افغانستان دجنوبي ولايتونو اوسېدونكي هم شامل دي، چې دا مهال دپېښور زندان ته دپلټنو په موخه لېږل شوي دي.

په سيمه كې د پاكستان پوليسو يو تن مشر ابرارالحق وخت خبري آژانس سيمه ييز خبريال سره دخبرو كولو پرمهال وويل چې: ((دغه افغانان مو دنوښارپه يو شمېر سيمو كې دقانوني اسناد دنه لرولو په تور نيولي دي او په سيمه كې دنورو افغانانو دنيولو په موخه پاكستان پوليسو لا هم په نيونو بوخت دي.))

هغه وخت ته وويل دخپلو خبرو كې وويل چې: پاكستان پوليسو همدارنگه په پاكستان مسجدونو كې افغان ملا امامانو ته هم خبردارى وركړى دى چې ځانونه دې له دندو ګوښه كړي كنه پاكستاني پوليس به يې په زوره له پاكستان څخه وشړي.

دهغه په وينا، افغان ملا امامان په خپلو كورونو كې ترهګرو ته ځاى وركوي او نور خلك هم ترهګرۍ ته هڅوي.

له پېښورڅخه په يو شمېر نورو ترلاسه شويو خبرونو كې ويل شوي دي چې نامالومو وسلوالو نن دپېښور په حيات اباد سيمه كې دوه تنه بهرني خبريالان دماشين ګڼو په ډزو وژلي دي.

همدارنگه نن دپاكستان دبلوچستان ايالت په چمن سيمه كې هم پاكستاني پوليسو يو شمېرافغانان له قانون څخه دسرغړونې په تور نيولي دي چې دا مهال دچمن په زندان كې تر څارنې لاندې دي.

په چمن كې يو تن ځايي خبريال رزاق برق وخت خبري اژانس ته وويل چې،دغه نيول شوي افغانان نن دافغانستان اوپاكستان په ګډه پوله ددوستۍ په دروازه نيول شوي دي.

پاكستاني چارواكي وخت نا وخته افغانان دې ته ورته نورو تورونو باندې دپاكستان په بېلابېلو برخو كې نيسي چې تروهلو، لوټولو او بندي كولو وروسته بېرته افغان دولت ته سپاري.

بله خوا بيا نن دپاكستان په شب قدر سيمه كې دپاكستاني پوليسو او وسلوالو طالبانو تر منځ په شوې جګړه كې دپاكستاني چارواكيو په خبره شل تنه وسلوال طالبان وژل شوي چې پاكستاني سرتېرو ته په كې كوم ځاني زيان نه دى اوښتى.

خبريال: جان اغا سعيد، پاکستان کې دوخت خبري آژانس خبريال