هلمند دپوهني رياست مسؤلين وايي چي په دغه ولايت کى له ٢٢٦ ښوونځيو څخه يوازى ٥٩ ښوونځي دزدهکوونکو پر مخ پرانستى دى.
بلخوا نن پدي ولايت کى د ښوونې اوروزنې بهيردگړندي كيدوپه اړه
سلگونه قومي مشران،مخورواوولايتي چارواكى سره جرگه شول.
په داسې حال كې چې دهيوادپه تودوسيموكې دنوي تعليمي كال پيل ته يوازې يوه نيمه مياشت پاتې ده له دې سره سره دهلمندولايت په زياتره سيموكې بياهم ښوونځي دزده كوونكوپرمخ تړلي اوپه لسگونه زره نارينه اوښځينه زده كوونكي له زده كړې څخه محروم پاتې دي.
دهلمندوالي محمدگلاب منگل د نننى غونډى په څنډه كې وخت خبريال ته وويل چې له بدمرغه د تيروڅلورومياشتو را په ديخواچې په دې ولايت كې يى ماموريت پيل شوى څوك رانه غلل چې زموږڅخه دښوونځي دجوړولوغوښتنه وكړي.
هغه وويل چې په هلمندكې دناامنى لوى عامل دخلكوبيسوادي ده ،چې دامهال په هلمندكې له ۲۲۶ښوونځيوڅخه يوازې ۵۹ښوونځي فعاله دي او۱۶٧ښوونځي ياخوسوځول شوي اوياهم دزده كوونكوپرمخ تړل شوي دي.
ده دهلمندله اوسيدونكوڅخه غوښتنه وكړه چې دښوونې اوروزنې په پياړي توب كې ورسره مرسته وكړي.
محمدگلاب منگل وويل : (( موږبه په دې ولايت كې دښوونې اوروزنې په برخه كې يولوى بدلون راولواوزموږهڅه داده چې په ددې ولايت ټول ښوونځي به بيافعاله كوواوهغه ښوونكي چې په سيموكې يې ښوونځي تړل شوي دراتلونكې سنبلې ترمياشتې پورې خپلې تنخواگانې واخلي. ))
ده وويل له هغه وروسته به يوازې هغه ښوونكوته تنخواوركول كيږي چې ښوونځي يې فعاله وي.
په غونډه كې ځينوقومي مشرانواومخورودښوونې اوروزنې دبهيردچټكيدوپه باب خپل نظريات وړاندې كړل اوويې ويل چې لومړى بايدامنيت ټينگ اوديني عالمان په دې برخه كې خلكوته دتبليغ له لارې دښوونې اوروزنې ارزښت بيان كړي.