دهلمند ولايت دخپلواکو اودولتي رسنيو خبريالانو، فرهنګپالو تېره ورځ دلښکرګاه ښار دخپلواکو ژورنالستانو ټولنې په دفتر کې ديوې ناستې پرمهال په احتجاجي ډول پريکړه وکړه چې د يوې اونۍ لپاره به دخبر نه ورکولو اعتصاب کوي.
داپريكړه تيرمازديگرپه هغه بيړنى غونډه كې چې په لسگونوخبريالانوپکې گډون کړى ؤ وشوه.
دهلمندداطلاعات اوكلتور رييس جان گل خان وويل:((دروحاني وژنه به زموږپه مطبوعاتي هڅوكې هيڅ ډول نرموالى رانه ولي بلكې ددې ولايت دخبريالانوهڅې اوكارونه به نورهم گړندي،اودحقيقت په خپرولو اوڅرگندولوكې به خپل قلم همداسې روان ساتي.))
په هلمندکې دآزادوژورنالستانو ټولنې مشرميرويس پاڅون بيا پردولت غږ وکړچې،دخداى بخښلي روحاني قاتلين دې ژرترژره ونيسي اوهغوى ته دې سخته سزا وركړي.
ده وويل همدا اوس له ورايه څرګنديږي چې دولت دروحاني دقاتلينو په موندنه کې پاتې راغلى اوترپايه به دهغو په موندلو بريالى نه شي، دا خبريالان ووچې دروحاني جسديې پيداكړ.
دهلمندفرهنګي ټولنې مرستيال عبدالواحد رنځوريار بيا وويل چې موږبه دروحاني دمړينې ورځ هركال دغونډو،مشاعرواونورومجلسونوپه لړكې لمانځو.
دغونډې په پاى كې پردغو شپږو مادو سلا وشوه او دپريکړه ليک په صادرولو سره غونډه پاى ته ورسيده.
۱- دهلمندولايت دژورنالستانواوفرهنگپالودپريكړې سره سم به ديوې اونۍ لپاره داحتجاج په توگه دهلمندڅخه هيڅ دولتي اوغيردولتي راپور رسنيوته نه وركول كيږي بې له هغه خبره چې دخداى بخښلي روحاني په اړه وي.
۲- دهلمندولايت ژورنالستان اوفرهنگپال دهيوادپرټولوژورنالستانواوفرهنگپالواورسنيوغږكوي چې دخداى بخښلي دمړينې په درناوي دې دغبرګولي يا جوزا ٢١مه توره ورځ اعلان كړي.
۳-چاپي مطبوعات دې درسنى لومړى پاڼه ياتوره اويادې ورباندې دخداى بخښلي عكس چاپ كړي.
۴- راديويي اوتلويزيوني رسنې دې نن دغبرگولي پر۲۱نيټه په پوره ۵بجې ديوې دقيقې لپاره چوپتياغوره كړي.
۵-لكه څنگه چې دښارله منځه څخه ديوژورنالست نيول اوايستل اوبياپه قتل رسول د دولتي ادارو كامله بې كفايتي ښيي ،ټول ژورنالستان اوفرهنگپال داغوښتنه كوي چې نوموړې قضيه دې په جديت اودقت وڅيړل شي.
۶- دهلمندژورنالستان دمطبوعاتو له کورنۍ څخه غواړي چې ځانونه پدغه وير کې دهلمند له ژورناليستانو سره شريک او ددغوټکو په پلي کولو کې خپل رسالت ادا کړي.