د برتانيايي پوځونو عمومي مشر ريچارج ډانيټ خوست ته دخپل سفر پرمهال لومړى د خوست ولايت عليشيرو ولسوالۍ او بياخوست کې دافغان اوناټو ځواکونو له ګډې امنيتي قرار ګاه څخه ليدنه وکړه.
ډانيټ وايي چې له خوست څخه يې د ليدنې موخه داده تر څو د ځايي حکومت له پرمختګ او د افغان او ناټو ځواکونو هم غږي له نژدې څخه وويني.
نوموړي دخبريال د يوې پوښتنې په ځواب کې چې د بهرنيو ځواکونو پرضد تاوتريخوالى مخ پر زياتيدو دى وويل:((افغان او بهرني ځواکونه به په ګډه کار کوي ترڅودهلمند په شان په ټول افغانستان کې بريالي توبونه ترلاسه کړي.))
د هلمند ولايت څخه ځکه يادونه وکړه چې پدې ولايت کې د بريتانيا هيواد پوځي ځواکونه خپلې دندې ترسره کوي.
په دې وروستيو کې پاکستاني دولت له وسله والوطالبانو سره د روغې جوړې تړون امضا کړ،له تړون وروسته ددغه هيواد دوسله والو طالبانومشربيت الله محسود رسنيوسره په مرکه کې په ډاګه وويل چې پاکستاني دولت سره په خپله ژمنه ولاړ؛خو په افغانستان کې به دبهرني پوځيانو پر ضد جهاد ته دوام ورکوي.
دبرتانوي پوځ مشر ددغې لوظنامې په اړه وويل چې د بريتانيا پوځ پدې هکله له پاکستاني پوځونوسره په خبرو بوخت دى.
نوموړى وايي چې موږ دا نه خوښو تر څو يو کس چې د افغان ځواکونو لخوا په شا تنبول شوي وي د پاکستان لخوا تقويه او بيرته افغانستان ته راستون شي د افغان او ناټو ځواکونو پرضد و جنګېږي.
دنوموړي برتانوي جنرال ليدنه له خوست څخه پداسې حال کې ترسره کيږي چې دبرتانيا هيواد په دغه ولايت کې پوځيان نلري.
داپداسې حال کې ده چې پدې وروستيوکې لدغه ولايت څخه د امريکا دفاع وزير ، بګرام کې د ائتلافي ځواکونو قوماندان او يوشمير نورو لوړپوړو چارواکو هم ليدنه کړې.