کابل تورخم لويه لاره چي مارکو سيمه کي دلاريون کوونکو لخوا تړل شوي وه په مشورطه ډول خلاصه شوه.

 لاريون کوونکي سلاشول چي افغان دولت ته تر سبا وخت ورکړي ترڅو دتيري شپي دناټو قواوو دچاپي په ترڅ کي نيول شوي ولسي وګړي راخوشي کړي .

 بلخوا بيا جلال آباد ته له مارکو څخه راستون شوي عبدالحميد له وخت سيمييز خبريال سره دسيمي حالات داسي شريک کړي دي:((دپوليسو په ډزو کي دلاريون کوونکو دوژل شوو کسانو شمير دري تنو ته پورته شوي او څلور تنه ټپيان شوي دي))

حميد دا هم ويلي چي دلاريون کوونکو له خوا دډبرو دغورځولو له امله شاوخوا څلورتنه پوليس هم ټپيان شويدي.

دده په وينا لاريون کوونکو دشعارونو په ترڅ کي ګواښ کړي که چيري دناټو قواوو دغسي خپل سري عمليات په سيمه کي روان پاته شي دوي به دشينوارو پنځه (اچين ،غني خيلو،بټي کوټ،مومند دره او کوټ) ولسوالي مخالفينو ته وسپاري او ددولت په وړاندي به له هغوي سره ملاوتړي.

له سيمي څخه يو تن عيني شاهد او دلاريون برخه وال ډاکټر عصمت الله وخت خبري آژانس سره دټلفون پهکرښه وويل((لاريون دلڼدي مودي لپاره ودرول شو او دا مهال دواړو خواتوو ته بندو موټرو په تګ راتګ پيل وکړ.))

دي وايي چي قومي مشرانوله لاريون کوونکو څخه وغوښتل تر څو دم ګړي دوژل شوو کسانو جنازي خاورو ته وسپاري او که چيري تر سبا افغان دولت دتيري شپي نيول شوي ولسي وګړي دناټو قواوو له منګولو راخوشي نکړل خپل لاريون به له سره پيل کوي.

ډاکټر عصمت الله زياته کړه چي ننګرهار امنيه قوماندان په ډاګه کړي چي ناټو قواوو دتيري شپي عملياتو په اړه لدوي سره سلا مشوره نده کړي.

وخت خبري آژانس هڅه وکړه چي دلاريون کوونکو دغوښتنو په اړه په سيمه  کی دافغان حکومتي چارواکو غبرګون ترلاسه کړي خو له هڅو سره سره دمالومتو په ترلاسه کولو بريالي نشو.