په خوست كې د نجونو او هلكانو د دريېو منځنيو ښوونځيو لپاره پېنځه نوې جوړې شوې ودانۍ نن له رغيدو وروسته پرانستل شوې .
د خوست د پوهنې ريس عزيزاحمد هاشمي د وخت خبري آژانس سيمه ييز خبريا ل نه وويل : (( له هغو څخه دوه ودانۍ د تڼيو ولسوالۍ په لغوري سيمه کې جوړې شوې دي
چې شل درسي او اداري خونې لري او د رغيدو پر چارو يې يو سل وڅلوېښت زره امريكايي ډالره لګښت راغلى دى . ))
د هاشمي په وينا دريېمه ودانۍ هم د همدې ولسوالۍ د بنده خېلو په نوم په يوه ليرې پرته او غرنۍ سيمه كې جوړه شوې، چې دوولس خونې لري او په بشپړيدو يې اتيا زره امريكايي ډالره لګښت شوى.
د خوست د پوهنې ادارې مطبوعاتي مسؤول سيدموسى مجروح وخت خبريال ته وويل چې د ددغه ولايت د مندوزيو ولسوالۍ په شډل نومي سيمه کې د نجونو او هلکانو يوه ښوونځي ته دوه نوې ودانۍ ورغاول شوې .
د ده په وينا چې پر دغو دواړو ښوونځيو باندې ١٦٨٠٠٠ افغانۍ مالي لګښت راغلى دى .
د مجروح په خبره په دريېو واړو ښوونځيو كې نږدې پېنځلس سوه زده كوونكي پر زده كړو بوخت دي، چې څلور سوه يې نجونې دي.
د يادونې وړ ده چې د تېر كال په اوږدو كې د خوست ولايت پنځوسو ښوونځيو ته له اتياوو زياتې ودانۍ جوړې شوې دي .