وخت خبرى آژانس

دکنړ ولايت

د غوایی 14 مه

دکنړ ولايت دنرنګ ولسوالۍ دبرنرنګ دکلي يو اوسيدونکى پنځوس کلن ملک نادر   وايي د کنړبهانده سيند د اوبو د ډيرو له کبله د کليوالو په سلهاؤ جريبه ځمکه د ځان سره وړيده.

نوموړى وايي چى تيرکال يې په خپله سيمه کې دڅلور جريبه په ساحه کى کوړ جوړ کړ اوس د اوبو د ډيريدو له ګواښ سره مخ دى .

دهمدغى سيمى يو بل تن اوسيدونکى پنځه ويشت کلن تسبيح الله وايي چى ما تير کال په خپله ځمکه څلويښت زره روپى ولګولى او وربشى مى پکې کرلى وې کله چى يي دحاصلاتو وخت راورسيده دکونړ سيند اوبو زياتې او زما پر ځمکو راوخوت او دتل لپاره يې له ځان سره يوړې .

 دغه راز دهمدغى ولسوالي دکوټکى دکلى يو تن اوسيدونکى حاجى عطاء الله وايي چى دکوټکى دکلى ديو شمير خلکو ځمکى دکونړسيند ته څيرمه پرتې دى.

 دوي وايي چى پنځه جريبه کرهڼيزه ځمکه يي سيند له ځان سره وړى او دنورو کلى والو لسګونه جريبه ځمکه يي هم کونړ سيند له مينځه وړى ده .

دوي دا هم وويل چى دځمکو دوړلو تر څنګ يې کورونو ته داوبو د راجګيدو له کبله زيان اووښتى دى او يو شمير کورونه ويجاړ شوي او ډيرى کرهڼيزې ځمکى او کورونه يي دسيند داوبو دګواښونو سره مخامخ دى.

 دکنړ ولايت دکرهنى اومالداري رئيس انجنير محصل خان فتوحى دا خبره منى چى دکنړ سيند اوبو د دغه ولايت په بيلا بيلو ولسواليو او سيمو کى په سلګونه جريبه کرهڼيزې ځمکى اوکورونه له ځان سره وړې دي او خلکو ته يې بيشميره زيان اړولى دى .

 دوى وايي چى هر کال د دوبى په موسم کى دکنړ سيند اوبه پراخه ډيروالى کوى او سيند ته څيرمه ځمکى اوکورونه يا له مينځه وړى اويا يي له ګواښ سره مخامخ کيږى.

 دکنړ د يوى بلى ولسوالۍ ناړۍ اوسيدونکى څلويښت کلن محمد غوث بيا وايي چى دکنړ سيند سر بيره داورښتونو له امله په ځينو غرنيو درو کى خونړي سيلابونه راوځى چى له امله يې دخلکو کورونه ځمکى اوڅاروى له مينځه وړل شويدى.

 دوى وويل چى دنن څخه څلور کاله وړاندى دناړۍ ولسوالۍ دساو خوړ په غرني سيمه کى دسيلابونو دراوتو له امله د سلګونه جريبه ځمکو اويو شمير کورونو دويجاړيدو تر څنګ ديوى کورنى څو تنه دسيلاب داوبو نه دژغورلو په وخت ووژل شوو.

 خو دکونړ ولايت دچاپيريال ساتنى رئيس نجيب الله کونړى بيا وايي چى دکونړ ولايت زياتره ځنګلونه دخپل منځى شخړو پر مهال په بي رحمى سره له منڅه تللى او زياتره خونړى سيلابونه له همدى امله رامنځ ته کيږى.

 نوموړى وايي که چيرې خلک د سيلاونو له شره ځان خلاصول غواړي نو خلک دې ځنګلونه نه وهى ، ونى او بوټي دې کينوى چى دخونړى سيلابونو دراوتو مخه پرې ونيول شي .

بل خوا دکونړ ولايت دکلو پراختيا او بيارغاونې رئيس انجنير محمد جعفر جبارخيل وايي : ((دکنړ سيند ډير ګواښونه دخلکو ځمکو اوکورونو ته پيښ کړى.))

 دى وايي چى په زياتره سيمو کى يي دخلکو دځمکو او کورونو دژغورنى دپاره استنادى ديوالونه جوړ کړى او زياتوي چى دا ورته ډيره ګرانه ده چى د شاوخوا درې سوه کيلو مترو په اوږدوالي سيند څنګ ته څيرمه ځمکو اوکورونو ته دى استنادى ديوالونه جوړکړي .

دوي هيله وښوده چى دوخت په تيريدو سره به دکنړ سيند ته دڅيرمه کورونو اوځمکو ته دخطرونو دمخنيوى په برخه کې د حل لارې چارې ولټوي .

 دکنړ دسرې مياشتې رئيس حبيب الرحمن ماموند وايي : ((  زموږ ادارې له يو شمير زيان من شويو کورنيو سره د يو اندازه مرستى کړى خو په دومره کچه نه دى چى دزيان منو شوو خلکو اړتياوى پوره کړى شي . ))

 دوى هيله وښوده چې دزيان منو شويو خلکو سره دلازياتو مرستو په لارو چارو غور کوى.

خبريال : د نړيوال ژورناليزم د مرکز د عامه اړيکې او رسنۍ د ورکشاپ گډون وال محمد ناصرملنګزى