وخت خبرى اژانس

كابل

دمرغومي ۱۲مه

كورنيو چارو وزارت مسوولينو په تيرو ۲۴ ساعتونو كې په كابل، ننگرهار، ميدان وردگ او لغمان ولايتونو كې د يوشميرناچاودو توكيو او ماينونو دكشف خبروركړى.

كورنيو چارو وزارت وياند زمري بشري، وخت خبرى اژانس ته وويل: دكابل ولايت ملي پوليسو دقره باغ ولسوالى دماشين آب په سيمه كې يوه اندازه چاوديدونكي توكي كشف او شنډ كړي چې، په دوه پلاستيكي بوشكو كې ځاى پرځاى شوي و.

زمرى بشري وويل دغه راز ملي پوليسو دهغې نه دمخه په ننگرهار، ميدان وردگو او لغمان ولايتونو كې ۸ حلقې بيلا بيل مينونه  كشف او شنډ كړي چې دهغه په وينا دهېواد دښمنو كسانو له خوا ايښودل شوي و.

دكورنيو چارو وزارت وياند په وينا ددغو ماينونو په شنډولو سره دگڼو خونړيو پېښو مخنيوى شوى دى.

دغه راز كورنيو چارو وزارت څخه په يوې خپرې شوې بيانيې كې راغلي چې پرون دفارياب غورماچ ولسوالى كې دوسايطو ضد يو ماين چاودنه شوې چې له امله ۵ تنه عام خلك وژل شوي دي.

دكورنيو چارو وزارت دمطبوعاتي دفتر دمالوماتو له مخې دغه چاودنه پرون سهار پر۹ بجو دغورماچ ولسوالى په بوكن كلي كې هغه مهال رامنځ ته شوه چې يو فلانكوچ موټرله سيمې دتيريدو په حال كې و.

دغه راز ددغه مطبوعاتي دفتردمالومات له مخې په يوه بله چاودنه كې پرون ماسپښين دخوست په برگي ولسوالى كې ديوې مؤسسې ۵ تنه كاركونكي وژل شوي دي.

دكورنيو چارو وزارت دمالو مالوماتو له مخې په دغه پېښه كه دوه نوركسان ټپيان شوي دي.

خبراو اډيټ: طيب