وخت خبري آژانس
چنګاښ ٢٩ مه
دکندهارولايت دميوندولسوالى دبازارڅخه وتلي دسړک دغاړي ديوه خښ شوي ماين دچاودنې له امله څلورتنه ملي پوليس وژل شوي دي.
دکندهار امنيه قوماندانۍ يوتن امنتي چاروکى چې نه غوښتل نوم يې په رسنيو کې خپور شي وخت خبري آژانس سيمه ييز خبريال ته دپيښې پخلي ترڅنګ وويل:(( د پيښې ورسته سمدستي ملي پوليسو سرتيري سيمې ته استولي چې دمړه شويو کسانو جسدونه راټول کړي))
ددغې سرچنې په وينا دملي پولسو په سيمه کې دپيښې په اړه خپلې پلټنې پيل کړي دي.
په جنوب لويديځ حوزه کې قاري يوسف احمدي په نامه يوتن چې ځان رسنيوته د دوسله والو طالبانو وياند معرفي کوي وخت خبري آژانس ته ويلي چې په دغه پيښه کې ددوي جنګياليو په موټر کې سپاره ټول دولتي سرتيري وژلي دي خو دقيقه شميره يې نده ښودلې .
دطالبانو ديو بل مطبوعاتي مسؤول ډاکټر طالب په هغه خبري پاڼې کې چې رسنيو ته يې نن استولې په دغه پېښه کې دپوليسو ٢ موټرو له منځه وړلو او ١٠ کسانو وژنې ادعاکړې. دغې خبرپاڼې کې ويل شوي چې پېښه دميوند ولسوالى په ميرخور سيمه کې دريموټ کنټرول ماين په واسطه رامنځته شوې.
دا په داسې حال کې ده چې دوسله والو مخالفينو لخوا هغو لويو لارو دريموت کنترول ماين چاودنې زياتې شوي چې دولتي سرتيري پرې تګ راتګ کوي .
خبريال _نثارجمال
ايډيټ _وخت خبري آژانس