دهلمند ولايت مرکز لښکرګاه ښار ته څېرمه دهلمند-کندهار دلويې لارې په اوږدو کې د نهرسراج ولسوالۍ وزيرانو مانده کلي کې د وسله والو طالبانو او پوليسو ترمنځ نښته کې مرګ ژوبله رامنځته شوې.

دهلمندامنيه قوماندان مل پاسوال محمدحسين انډيوال وخت خبري آژانس سيمه ييز خبريال ته دياد شوې نښتې په اړه وويل:"دنهرسراج ولسوالۍ دوزيرانو په مانده کلي کې  وسله والوطالبانو دپوليسوپرگزمې بريدوكړچې له امله يې نښته رامنځته شوه."

انډيوال وايي چې د نښتې په پايله كې يوازې يوتن پوليس سرتيرى وژل شوى او نور چاته پکې زيان نه دى اووښتى.

انډيوال دا ونه ويل چې طالبانو ته هم پدې نښته کې زيان اووښتى که نه .

بلخوا بيا ددولت وسله والو مخالفو طالبانو ادعاكړې چې د وزيرانو مانده کلي کې يې ديوې نښتې په ترڅ کې اته تنه پوليس سرتيري وژلي دي.

ددې ډلې وياندقاري يوسف احمدي وخت خبري آژانس ته دتيلفون په ليکه ويلي چې ددغې نښتې په پايله کې يوشمير وسلې او مهمات هم ددوى دجنګياليو لاس ته ورغلې دي.

طالب وياند هم دخپلو جنګياليو دمرګ ژوبلې په اړه څه ونه ويل.

دسيمې اوسيدونكي هم دجګړې پخلى کوي او وايي چې تر اوږدې مودې جگړه روانه وه. دمانده سيمې يو تن اوسيدونکى چې ځان وخت خبريال ته خداى نظر ورپيژني دتيلفون په ليکه دجګړې دپخلي ترڅنګ وويل:"نښته تېره ورځ سهاركابو اته بجې پيل او ترمازديگرپورې يې دوام درلود."

دى وايي چې تلفات خو به خامخا اووښتي وي خو زه يې په اړه مالومات نه لرم.

هلمند ولايت چې پدې وروستيو کې دوسله والومخالفينو دنښتو بريدونو مهمه مرکزګرځيدلى دى دولت اوبرتانوي پوځيانو دګډو چڼيزو عملياتو په پايله کې څه موده وړاندې ددغه ولايت ګرمسير او له هغه وړاندې موسى کلا ولسوالۍ ونيوله د رارسيدلو خبرونو له مخې ليدل کيږي چې لاهم په نوموړيو او ددغه ولايت په نورو سيمو کې دخال خال جګړو خبرونه ترلاسه کيږي .

دپوليسو او وسله والو مخالفينو ترمنځ نښته پداسې حال کې پوليسو ته ځاني تلفات اړوي چې تېره ورځ هم دهلمند ولايت په هوايي ډګر کې دماين چاودنې دهوايي ډګر يوشمير ساتونکو ته مرګ ژوبله واړوله .