دننګرهار ولايت دجلال آباد تورخم پر لويه لار دمومند درې ولسوالۍ شاوخوا سيمه کې تېره ورځ پرائتلافي ځواکونو باندې يو ځانمرګى بريد ترسره شو.

دننګرهار امنيه قومندانۍ دمطبوعاتي چارو مسؤل سمونوال عبدالغفور دوخت خبري آژانس سيمه ييزخبريال ته وويل: ((دغه بريد پرون سهار په اتوبجو دائتلافي ځواکونوپرپوځي کتارباندې ترسره شو له امله يې څلورتنه سرتيري ټپيان شوي دي.))

دمومند درې ولسوالۍ امنيه قومندان سمونوال محمدخان هم دبريد پخلى کړى او وايي  چې پيښه هغه مهال رامينځته شوه چې ځان وژونکي دچاوديدونکو موادو نه ډک موټر دائتلافي ځواکونو له کاروان سره وجنګاوه.

دده په خبره په چاودنه کې خپله بريد کوونکى وژل شوى او دائتلافي ځواکونو څلورتنه سرتيري ټپيان شوي دي.

تردې مهاله دبريد پړه چا په غاړه نه ده اخيستې او نه هم وسله والو طالبانو پدې اړه څه ويلي دي.  

ديادونې وړده چې ځوورځې وړاندې هم دننګرهارولايت مرکز جلال آبادښار کې دبهرنيو ځواکونو پرکتارباندې ځانمرګى بريد شوى ؤ چې دهغوى يو شمير سرتيري يې ټپيان کړي ؤ .