دهلمندولايت په مرجې او ناوه ولسوالۍ کې دپوليسو لخواپوځي عمليات پيل شوي ، ددواړو خواو ترمنځ نښته شوې چې له امله يې يو طالب نيول شوى ، يوشميرمهمات هم دپوليسو لاس ته ورغلي او دوه پوليس هم ټپيان شوي دي .
دهلمندولايت امنيه قوماندان مل پاسوال محمدحسين انډيوال دوخت خبري آژانس سيمه ييزخبريال ته د نښتې پخلى کړى او وايي چې يادشوي عمليات دوه ورځې وړاندې دوسله والوطالبانودهغه بريد په غبرګون کې ترسره شوي چې څه موده وړاندې يې ددغه ولسوالۍ پر پوليسووسله وال بريدكړى ؤ.
هغه زياته كړه چې ددې عملياتوپه لړكې يوطالب جنګيالى ژوندى نيول شوى اوددې ترڅنگ يوه اندازه مهمات هم نيول شوي دي .
دامنيه قوماندان په ويناچې نيول شوي طالب پخپلولمړنيوپلټنوکې ويلي چې دى دمزارشريف دچاربولك له ولسوالى څخه دجهادپه نيت هلمندولايت ته راغلى دى.
هغه داهم وويل چې پدې عملياتوكې دوه تنه پوليس ټپيان شوي اوعمليات يوازې دپوليسوله لوري پرمخ بيول شوي دي.
له بلې خوا تر دې دمه وسله والو طالبانو ددغونښتو او عملياتو په اړه څه نه دي ويلي .
ديادونې وړده چې په دې وروستيوكې په هلمندولايت كې پرپوليسوباندې وسله وال بريدونه دپخوا په پرتله زيات شوېدي.
اديټر : صديقي