د خوست ولايت صبريو ولسوالۍ کې تيره ورځ پر هغو دريېو کانتينر بار موټرونو چې د دغې ولسوالۍ زمبر سيمې کې جوړيدونکي د افغان او ناټو ځواکونو ګډ مرکز ته يې ساختماني توکي ليږدول بريد شوې دې .
دغه خبره د صبريو ولسوال لطف الله بابکرخيل د وخت سيمه ييز خبريال ته کړې ده.
نوموړي زياته کړه چې تېره ورځ پر هغو کانتينر بار موټرونو باندې د صبريو ولسوالۍ مکتب ښارګوټي ته څيرمه بريد شوې چې ساختماني توکي يې په زمبرسيمه کې جوړيدونکي پوځي مرکز ته ليږدول .
بابکرخيل وايي چې په بريد کې يوازې يو موټر له مينځه تللې دې او دوه نور موټر روغ وتلي دي .
د يادونې وړ ده چې د تېرې مياشتې په اوږدو کې دا دريېم بريد دې چې پوځي مرکز ته د ساختماني توکو پر ليږدوونکو موټرونو باندې تر سره کيږي .
د يو بل خبر له مخې تېره ورځ د خوست ولايت تڼيو ولسوالۍ کې ٣ تنه شکمن کسان د دولت له وسله والو مخالفينو سره د تړاو په تور نيول شوي دي .