Saturday September 5, 2009
په خوست کې د قومونو ترمنځ دجگړي مرگ ژوبله تر ۴۰ لوړه شوي ده
وخت خبري اژانس
دخوست ښار
دوږي ۱۴مه
خوست كې د دوو قبېلو ترمنځ د غره او ځمكې پر سر شخړه كې تر څلوېښتو زياتو كسانو ته مرګ ژوبله اوښتې .
د منګلو او مقبلو ترمنځ دغه وسله واله جګړه له تیري پنجشنبې ورځې راهيسې پيل شوې، چې دواړې خواوې پكې له درنو وسلو هم كار اخلي او د سړي وژنې ترڅنګ په لسگونو كورونو ته اورونه هم اچول شوي دي.
جګړه له خوست ښار څخه نېږدې پېنځه ويشت كيلومټره ليرې، د ښار شمال لويديځ لوري ته، د نادرشاه كوټ ولسوالۍ اړوند د اووم په نوم سيمه كې پيل شوې.
د منګلو يو قومي مشر، چې نوم اخېستل نه غواړي، وايي، چې تراوسه د دوى نهه تنه وژل شوي او لس نور ټپيان دي .
د مقبلو قبېلې يو تن اوسيدونكى عبدالله بياوايي چې د دوى اووه تنه وژل شوي او يوولس نور ټپيان دي .
همدا شان د ورڅېرمه يوې سيمې څخه د ديني مدرسې دوه تنه اوسيدونكي، چې له سپينو بيرغونو سره، د جګړې ډګر ته د ډزبندۍ په موخه ورغلي وو، وژل شوي دي.
په ټوليز ډول تر اوسه له وړمې ورځې راهيسې په ياده جګړه كې تر شلو پورې كسان وژل شوي او تر دې زيات ټپيان دي، چې د څو يې روغتيايي حالت هم د انديښنې وړ ښودل شوى.
تېره شپه هم يوې قبېلې د بلې پر يوه كلي يرغل كړى، چې په پايله كې يې د ځايي اوسيدونكو په وينا پر ځاني زيان سربېره، د اوسيدو لسگونه كورونو ته هم اور اچول شوى، د جګړې له سره تر اوسه سلګونه كورنۍ نورو ځايونو ته په كډه كولو اړې شوې دي.
دمقبلو یو تن قومې مشر سخي محمد وخت خبري آژانس ته وویل ، د ځډرانوجنگیالیو په سیمه کې خپل پرمختگ ته دوام ورکړې او د تیري ورځې په جگړې کې یې دمقبلو تر ۱۰۰زیات کورونه سوځولې.
ښاغلی سخي محمد وایې چې ډځدرانو جنگیالی په جگړه کې له درنو وسلو لکه توپ، هوان او ماشیندارو څخه کار اخلي.
هغه وایې، د مقبلوقوم بي وسي دی او دوی دي ته اړ دي څو سیمه پریږدي.
دمنگلو یو تن قومې مشرصدیق منگل له وخت خبري آژانس سره په خبرو کې ومنله چې روغکې په نوم کلی یې له مقبلو څخه نیولی دی او پدې کلی کې تر۱۲۰ پوري کورنو ته یې اوراچولی.
نوموړی زیاتوي، اوس د دوی لښکرې د اوم کلی په لورد پرمختگ په حال کې دي.
منگل وایې، چې دنوموړی کلی اوسیدونکیو خپل کورونه پریښې او له کلی څخه په تښته بریالی شوي دي.
په جنوب ختيځو ولايتونو كې د بشر حقونو خپلواك كميسيون پر دې كار خواشيني ښودلې. د دغه كميسيون مشر ډاكټر رفيع الله بيدار وايي، چې كور سوځونه پر بشري حق ښكاره تېرى دى او په وينا يې د سيمې له حكومتي چارواكو غوښتي، چې ژر ترژره د دغې جګړې په درولو كې ګام واخلي.
د تېرې ورځې تر ناوخت مهاله پورې د ځايي اوسيدونكو نېوكه دا وه، چې له ځايي ادارې سره پر اړيكو نېولو سربېره هم، تر اوسه حكومت د جنګ درولو له پاره څه نه دي كړي.
خو د خوست والي وياند كوچى ناصري وايي چې د نظامي كميسيون په غونډه كې يې، په جنګ كې د ښكېلو دواړو خواوو مشران كېنولي، تر څو د مورچو خالي كونې او كلك اوربند تضمين ترې واخېستل شي.
دى وايي چې د دې كار له پاره به سيمې ته ځواكونه ليږل كيږي او هغوى به د درنو وسلو د كارونې پوښتنه هم كوي.
د يادولو ده، چې له دې وړاندې هم په ياده او د خوست يو شمېر نورو سيمو كې، د لانجمنو غرونو او ځمكو پر سر د ځايي قبېلو ترمنځ وسله والې جګړې او مرګ ژوبلې رامېنځته شوې، خو ځايي اداره يې په كابو كولو نه ده توانېدلې.
الهام خوستی، په خوست کې دوخت خبریال
ایډیټ: طیب
اندازه متن : [
بزرگتر ] [
کوچکتر ]
تعداد بازديد : 393
نسخه مناسب چاپارسال به یاهو مسنجرارسال به ديگران »
دیگر عناوین : په خوست کې د قومونو ترمنځ دجگړي مرگ ژوبله تر ۴۰ لوړه شوي ده دځاځې میدان مشران:که ټاکني ۲ پړاو ته لاړي نو پریکون به اعلان کړي ناکامی درعشق، پسرجوان کابلی را به انتحارمجبورساخت بهرني ځواكونه خوست كې۶ تنو شكمنو د نېولو خبر وركړى په هلمند کې پریو کور توغندی راپریوتی، اته تنه یې مړه او ټپیان کړل جشن عروسی ۳۶ زوج جوان در هرات برگزار شد په کندهار کې ترافیکې پیښي ۱۲ تنو ته مرگ ژوبله واړوله یک قاچاقبرشانزده ساله درهرات بازداشت گردید هشتاد تن ازمخالفین دولت به پروسه تحکیم صلح پیوستند حمله انتحاری درغزنی چهارکشته وزخمی برجا گذاشت