دغه سیالي چې د کریکټ د ۲۰۱۱کال د نړایوال جام کې د شاملیدو دغوراوې لپاره د شپږسیالو لوبډولو تر منځ د تنزانیا په پلازمېنه دارالسلام کېترسره کیږی ، پرون د افغانستان ملی لوبډلي د فیجي ملي لوبډلي ته په ۸۰ منډو ماته ورکړه .
لوبه په داسی حال کې پیل شوه چې وریځو آسمان پوښلی وو ، د سهار او غرمه وروسته باران د لوبی ټاکلی وخت کم کړ خو ددی سره د افغانستان لوبغاړو و کولایی شوه چې سیالي لوبډلي ته په آسانی ماته ورکړي .
په دغه لوبه کې د افغانستان توب ویشتونکو یو ځل بیا و ښوده چې په کمو منډو د سیالیو لوبډلو د سوځولو وړتیا لري.
فيجي د پچې په گټلو افغانستان ته د منډو بلنه ورکړه او افغان لوبغاړي ډېر ښه پر مخ لاړل .
لومړنيو دوو لوبغاړو کريم صادق او احمد شاه ٣١ منډي جوړي کړي وي چې باران يې لوبه دوه ځله وځنډولهد باران د ځنډ له امله د افغان منډه جوړونکو لوبه ټکنۍ شوه .
په آسمان کې د وريځو شتون له بالرانو سره مرسته کوله ، د افغانستان په لوبغاړو کې يوازې احمد شاه ٣٤ منډي جوړي کړي، نورو لوبغاړو و نشوکولای چې تر ډیره مهاله پوری په میدان کې پاتی شي او په دی توګه په ٣٦ ټاکلو اوورونو کې د ټولو لوبغاړو په سوځیدو ، افغانستان ١٣٢ مندې جوړي کړي . که څه هم دغه منډې ډيرې نه وې خو افغان بالرانو يو وار بيا وښوودله چې بايللېلوبې په گټلو بدلولى شي .
د افغانستان تيز بالر حميد حسن ښه وځليد او څلور لوبغاړي يې وسوځول، په نور لوبغاړو کې، احمد شاه درې ، دولت احمدزي دوه ، هستي ګل او محمد نبي يو يو لوبغاړې وسوځول او په دې توگه افغانستان په ٨٠ منډو دغه لوبه وګټله.
حميد حسن د دغې لوبې غوره لوبغاړې اعلان شو ، د افغانستان د کريکټ فدراسيون نوي مشر الله داد نورې تر بري وروسته په تنزانياکې لوبډلې ته زنگ وواهۀ او هر غړي ته يې د ٢٠٠ ډالرو د انعام د اعلان خبر ورکړ .
افغانستان به نن خپله دوهم لوبه له جرسي سره ترسره کړي په ورته یو بله لوبه کې کوربه هيواد تنزانيا پرون جرسي ته په ٣٤ منډو ماته ورکړه .
خبر و ایدیټ : وخت خبری آژانس