څوځل دولت دكلداروپه  چلښت په پكتياولايت كې كلك بنديزونه ولګول خودې كارډېركم دوام پيداكړ ان كله كله خويې دجريمې په بڼه ځينې دكانونه هم وتړل،خودكلدارو دچلښت مخه يې ونه شوى نيولى.

دغه ولایت چی له ګاونډی هیواد پاکستان سره اوږده ګډه پوله لري اوزيات شمېر هټۍ وال ېې خپل مالونه له همدې هيواد څخه رالېږدوي له مركز ګردېز څخه لرې پرتو ولسواليوكې خو بيا داسې خلك هم شته چې لا دافغانۍ مخ هم نه دى ليدلى.

دپكتیا مركز ګردېزښاریوتن قصاب چی ځان شربت قصاب راپیژني او دګردیز ښارټولو قصابانو له پاره غوښته توزیع کوی بیا دکلدارو د چلښت پړه پر ولس وراچوي  اووايي كه هرڅوك له هره ځايه هرڅه رالېږدوي نوداخو پدې معنى نه دي چې موږ دې دهغه هيواد په پيسو وپلورو موږ بايد خپلې افغانۍ دنورو له ديناراوډالر نه هم لوړې وګڼو.

ده داخبره په داسې حال كې كوله چې په لاسوكې ېې دپاكستانيو پنځه زريزولوټونو بنډل وه اوحسابول ېې نوموړي ددې پوښتنې په ځواب كې چې دى ولې له ځان سره پاكستانۍ روپۍ ساتي وويل: ((موږسره ېې څوك نه مني كنه موږ به ټوله راكړه وركړه په خپلو افغانيو كوله خوزموږ غټه ستونزه له دې نه جوړه ده هغه قصابان چې له موږ نه غوښه وړي هغه په كلدارو راكړه وركړه كوي نوموږ ته هم دحساب پرمهال دافغانيو پرځاى كلدارې راكوي.))

دپكتياولايت مركز ګردېز ښارپه غزني لين كې دزرمت هوټل مالك ميرويس چې له يوه كس نه ېې زموږ له ورتګ سره سم پاكستانۍ كلدارې واخيستې وايي:((كه ټوله زمه واري په ولس وراچوو ددې پرځاى چې افغانۍ موچلولې وي ولس به موله ستونزوسره مخ كړى وي ترهغو چې دولت داسې يوه تګلاره جوړه نه كړي چې راكړه وركړه په خپلو لوټونو وشي نو عام وګړي نه شي كولاى چې دې لوري ته پام ورواړوي.))

يوازې ميرويس نه دى چې وايي دولت دې دخپلوپيسو له پاره سالمه تګلاره جوړه كړي دګردېز په ښاركې يو تن چې  ديوه پلورنځي مخ ته ولاړدى غواړي دخپل كور لپاره څه سود سودا واخلي ځان موسى او داحمدابا ولسوالۍ اوسيدونكى راپیژني ددې پوښتنې په ځواب كې چې افغانۍ ولې له دومره ارزښت سره سره بياهم خلك نه چلوي؟وويل:((تر هغو چې دولت دكلدارې مخه په يوه سالمه پاليسي ونه نيسي نه شي كېداى چې په دې

سرحدي ولايت كې  افغانۍ په اساني سره دراكړې وركړې جوګه شي.)) ده هغې خبرې ته هم په خپلوخبروكې اشاره وكړه چې دولت څوځل د بهرنيو پيسوپه بدل كې دتوكيو په رانيولو بنديز لګولى ووخو هغه هڅې ېې ډېرژر بيا ځكه ناكامې شوې چې ،ددولت كسانو به په خپله توكي په كلداروپه دې خاطر رانيول چې ارزانه ورته پریوتل.

منیرخان چې ځان د ګردیز ښار اوسیدونکی او دعامې روغتیا مامور ښیی مني چې اکثره دولتی مامورین او نور دولتی چارواکی معاش په افغانیو اخلي خو راکړه ورکړه په کلدارو کوی.

نوموړی وایی:((زموږ معاش کم دی د افغانیو په پرتله خوراکي او نور توکي په کلدارو ارزانه راته پریوځی.))

داچې ولې په ټوليزډول دكلدارو دچلښت مخه نه نيول كيږي دپكتيا سرپرست والي عبدالرحمان (منګل ) یې په اړه وایی: ((داستونزه په ټول هيوادكې شته يوازې په پكتياكې نه ده چې مخه ېې ونيول شي كه له هغه سره ېې مخه ونيول شي. ‎))

نوموړي بیا دغه کار په مرکزي دولت پورې تړی او وایی چې پدې برخه کې باید په ملی کچه کار وشي نه په محلی کچه او دیو بنسټيز پلان په جوړولو دې کار وشي چې هم عام وګړیو او سوداګرو ته ګټور وي.  

منګل دښارداوسېدونكيودا ادعا چې ګواکې دراکړې ورکړې پروخت دافغانيو له كمښت سره مخ كيږي نه مني او وايي:(( داددوى ادعاوې دي چې كوي ېې دوى دې ته اړ دي چې د خپل هیواد بانك نوټونه وكاروي.))

 دپکتیا ولایت مستوفي مفاد(ځير) بیا پدې اړوند داسې وايي:((انقلاب سرته نه دى رسېدلى اصلاحات به په ټولو چاروكې راځي او راولو به ېې خپلې كرنسۍ ته به دعوامو ذهن جوړووداچارې يو په يو نه شي كېدلى وخت په كاردى چې موږ دخپلې كرنسۍ له پاره بازار پيداكړو.))

که له یوې خوا هغه تاجران چې له ګاونډي هیواد پاکستان څخه خپل توکي په کلدارو اخلي او دلته یې په کلدارو پلوري په ګټه کې دي له بلې خوا بیاد هغو دوکاندارانو او سوداګرو ستونزه پرځای پاتې چې خپل پرچون مال او عمده توکي له کابل او یا ایران څخه په افغانیو اخلي او په افغانیو یې پلوري .

خبريال : اجمل (مسعودزى) په پکتيا ولايت کې دعامه اړيکو او رسنيو دورکشاپ گډونوال.